३ भदौ,

 ‘निर्माणाधीन जलविद्युत् आयोजनाको समस्या, चुनौती र समाधान’ विषयक अन्तक्र्रिया कार्यक्रममा झडप हुँदा चार प्रहरी घाइते भएका छन् ।

घाइते हुनेमा प्रहरी निरीक्षक डिल्लीराज मैनाली, प्रहरी सहायक निरीक्षक योगराज पौडेल, प्रहरी हवल्दार बेदकुमार तिमिल्सिना र प्रहरी जवान सूर्य मोक्तान रहेको जिल्ला प्रहरी कार्यालयले जनाएको छ ।

कार्यक्रममा सहभागी हुन चिलिमेको थाम्बुचेत जाने सहभागी अतिथिलाई देखाइएको कालो झण्डा हटाउन खोज्दा केही स्थानीयले प्रहरीमाथि ढुङ्गामुढा प्रहार गर्दा ती प्रहरीहरु घाइते भएका हुन् । उनीहरुको अवस्था सामान्य रहेको बताइएको छ ।

घटनास्थल आसपासबाट दुई व्यक्ति नियन्त्रणमा लिइएको स्थानीय प्रशासनले जनाएको छ । कार्यक्रम चिलिमे जलविद्युत् कम्पनी र चिलिमे जलविद्युत् सरोकार उपभोक्ता समितिले आयोजना गरेको थियो ।