३ भदौ ,

 अख्तियार दुरूपयोग अनुसन्धान आयोगले त्रिभुवन अन्तर्राष्ट्रिय विमानस्थल नजिकको एक रेस्टुरेन्टमा घुस लिएको आरोपमा दुई प्रहरी अधिकृतलाई स्थलबाटै आज पक्राउ गरेको छ ।

    आयोगले आज साँझ  घले दाइको सेकुवाबाट विदेश पठाउनेसम्बन्धी काममा रु ७५ हजार घुस लिँदा लिँदै थलामा नै प्रहरी निरीक्षक राजन थापा र सहायक निरीक्षक विश्वेश्वर आचार्यलाई पक्राउ गरेको  आयोगका सञ्चार संयोजक ओमबन्धु कार्कीले जानकारी दिनुभयो ।

    वैदेशिक रोजगारीमा जान लागेका युवाबाट प्रहरी अधिकृतद्वयले घुस लिँदै गरेको भन्ने सूचनाका आधारमा आयोगले छापा मार्दा उनीहरू पक्राउमा परेका हुन् ।