२४  जेठ ,

 तुलसीपुर उद्योग वाणिज्य सघंको आज शनिवार हुने निर्वाचनको तयार पूरा भएको निर्वाचन समितिले जनाएको छ । साधारण सदस्य १ हजार ५ सय ७३ जनासहित एशोसियटबाट १५ जना र संस्थागत सदस्यतर्फ पाँचजनासहित जम्मा १ हजार ५ सय ९३ मतदाताहरुले ३३ जना उम्मेदवारहरुलाई चयन गर्नेछन् ।

‘निर्वाचनमा भाग लिएका सबै उम्मेदवारहरुको मतपत्र छाप्नेदेखि छापसहित सम्पूर्ण तयारी पूरा भएको छ । निर्वाचन सहज र सरल तरीकाले सम्पन्न गर्ने तयारीमा जुटेका छौं’– निर्वाचन समितिका संयोजक प्रवीण लम्सालले भन्नुभयो । उहा“का अनुसार बिहान ७ बजेदेखि बेलुका ५ बजेसम्म मतदाताहरुले मत हाल्न पाउनेछन् । जम्मा मतदाताहरुमध्ये झण्डै दुई सयको संख्यामा महिला मतदाता रहेको उहा“ले जानकारी दिनुभयो ।

यता चुनावको अन्तिम दिन दुबै समूहले आ–आफनो चुनावी कार्यक्रमलाई तीब्र बनाएका छन् । विमल रिजालले नेतृत्व गरेको समूहले मोटरसाइकल ¥यालीसहित बिपी चोकमा पुगेर कोणसभा गरी उम्मेदवारहरुले संक्षिप्त मन्तब्य राखेका थिए । उनीहरुले कोणसभापश्चात बजार क्षेत्रभित्र मतदातासमक्ष मत माग्न घरदैलो कार्यक्रम गरेका थिए । त्यस्तै कार्यक्रम जनक खरालले नेतृत्व गरेको समूहले पनि बजार क्षेत्रलाइ केन्द्रित गरेर मतदातासमक्ष भोट माग्न घरदैलो गरेको थियो ।