२४ जेठ ,

नक्कली प्रहरी बनी सर्वसाधारणको मोटरसाइकल चेकजाँच गरी रकम उठाइरहेको दुई जनालाई आज बिहान धनुषा प्रहरीले पक्राउ गरेको छ । पक्राउ पर्नेमा जनकपुर नगरपालिका वडा नं ९ बस्ने चन्दनकुमार झा र वडा नं १३ बस्ने सुमितकुमार झा रहेका छन् ।

झाद्वयले आफू प्रहरी हो भन्दै रामपुर–बहुअर्वा जाने बाटोमा रहेको रामपुर गाछीमा मोटरसाइकल चेकजाँच गर्ने भन्दै सर्वसाधारणसँग रकम उठाइरहेका थिए ।

सर्वसाधारणकै सूचनाका आधारमा जिल्ला प्रहरी कार्यालय धनुषाबाट खटेको प्रहरीले उनीहरुलाई पक्राउ गरेको हो । झाद्वयले सर्वसाधारणसँग करिब रु ३०० उठाएका थिए ।