२३ जेठ,

 इराकको उत्तरी निनेवेह प्रान्तमा साबक अल्पसङ्ख्यकमाथि लक्ष्य गरी भएको दुई आत्मघाती आक्रमण तथा सुरक्षा सेना तथा लडाकूबीचको सङ्घर्षमा शुक्रबार ३६ व्यक्तिको मृत्यु भएको जानकारी अधिकारीहरूले दिएका छन् ।  प्रान्तीय राजधानी मोसुल इराकको सबैभन्दा डरलाग्दो नगरमध्ये एक भएको बताइएको छ । यहाँ लडाकूहरूको बलियो पकड रहेको छ र दैनिक जस्तो आक्रमण भइरहन्छ ।

नगरको पूर्वी भागमा अल–मुवाफाकियाको सबाक गाउँमा दुई आत्मघाती आक्रमणकारीले गाडी विस्फोट गराएको र त्यसका कारण चार व्यक्तिको मृत्यु भएको तथा ४५ अन्य घाइते भएको जानकारी प्रहरी तथा आमसञ्चार अधिकारीहरूले दिएका छन् ।  मोसुलको पश्चिमी भागमा सङ्घर्षमा चार प्रहरी, तीन सैनिक तथा १६ लडाकूको मृत्यु भएको बताइएको छ । यसै गरी मोर्टार प्रहारमा एक नागरिकको मृत्यु भएको बताइएको छ ।

मोसुलको पूर्वी भागमा लडाकूसँगको सङ्घर्षमा तीन सैनिकको मृत्यु भएको बताइएको छ । नगरको दक्षिण भाग हमाम अल–अलिलमा आत्मघाती बम आक्रमणकारी ठानिएका पाँच व्यक्तिलाई सुरक्षाकर्मीेले गोली प्रहार गरी मारेको बताइएको छ ।  यसको एक दिन अगाडि बग्दादको उत्तरी नगर सामारामा एक प्रमुख आक्रमण भएको थियो । एएफपी