२४ जेठ ,

जिल्लाको ओखरबोट–९ मा चट्याङ लागेर एक जनाको मृत्यु भएको छ भने दुई जना घाइते भएका छन् । हिजो साँझ खेतकारीमा काम गर्ने क्रममा वर्षा भएपछि ओत बस्न गएको समयमा चट्याङ लागेर  ३२ वर्षीया कलिमा घर्तीको मृत्युभएको जिल्ला प्रहरी कार्यालयले जनाएको छ ।

चट्याङबाट गम्भीर घाइते भएकी घर्तीलाई उपचारका लागि स्थानीय स्वास्थ्य चौकीमा लैजाँदै गर्दा मृत्यु भएको थियो ।

त्यस्तै सोही चट्याङबाट ४८ वर्षका धनबहादुर घर्ती र पुनम घर्तीसमेत घाइते भएका छन् । घाइतेमध्ये धनबहादुर उपचार गरी घर फर्किएको र पुनमको जिल्ला अस्पतालमा उपचार भइरहेको छ ।