२२ जेठ ,

भारतीय टिभी च्यानल जी टिभीबाट प्रसारण भइरहेको रियालिटी शो डान्स इण्डिया डान्स लिटिल मास्टरको सिजन ३ की प्रतियोगी नेपाली चेली तेरिया मगर नेपाल आएकी छिन् ।  नेपालको रुपन्देही जिल्ला रुद्रपुर घर भएकी तेरिया डीआइडीको यस सिजनको उत्कृष्ट ६ मा पुगिसकेकी छिन् । 

उनी बिहिबार दिउँसो त्रिभुवन अन्तराष्ट्रिय विमान स्थलमा झरेकी हुन् । उनलाई बिमानस्थलमा भव्य स्वागत गरिएको थियो । उनीसँगै जी टिभीको एक टोली पनि नेपाल आएको छ । नेपाल बसाईको क्रममा रुपन्देहिमा नृत्य छयांकन तथा केहि कार्यक्रममा आफुलाई भोट हालिदिन आग्रह गर्नेछिन । उनको यी सबै गतिविधिलाई जीटिभीको प्रतिनिधिले खिच्नेछन र टिभीबाट यसका फुटेजहरु प्रसारण गरिनेछ ।

निर्णायक टोलीबाट पनि प्रशंसा र प्रोत्साहान पाउँदै आएकी तेरियाको नेपालमा पनि धेरै प्रशंसक रहेका छन् । उनका नेपाली प्रशंसकहरुले उनलाई अत्याधिक भोटले जिताउनको लागी नेपालमा समेत विभिन्न अभियानहरु चलाइरहेका छन ।