२२ जेठ ,

  उत्तरी धादिङको आँखुखोलाबाट गिटी बोकेर सल्यानकोटतर्फ गइरहेको बा३ख २९२७ नम्बरको ट्रक आज साँझ ५ :३० बजे सल्यानकोट–४ चैनपुर भन्ने ठाउँमा पल्टिँदा घटनास्थलमै तीन जनाको मृत्यु भएको छ ।

 मृत्यु हुनेमा सल्यानकोट–४ का ६० वर्षीया मीना नेपाली, वडा नं ४ कै ९ वर्षीया सुन्दरी बस्याल र सल्यानकोट–५ का ९ वर्षीय रवीन्द्र रानामगर रहेका छन् । दुर्घटनामा अन्य पाँच जना घाइते भएको जिल्ला प्रहरी कार्यालय धादिङले जनाएको छ ।  प्रहरीको अनुसार घाइतेहरुको स्थानीय स्वास्थ्य चौकीमा उपचार भइरहेको छ ।