२२ जेठ ,

सप्तरीको पुरानो सदरमुकाम हनुमान नगरमा गएराति एक व्यापारी दम्पतीको रहस्यमय हत्या भएको छ ।     हनुमाननगर–५ का ५१ वर्षीय प्रेमसुख बंगवा वंगवानी र ४२ वर्षीय सरुजदेवी वंगवानीको रहस्यमय हत्या भएको हो ।

हनुमाननगरमा कपडा व्यापार गर्दै आएका वंगवानी दम्पतीको गएराति पसल बन्द गरी आफ्नै घरमा सुतिरहेको बेला हत्या भएको स्थानीयवासीले बताएका छन् ।  बिहान ११ बजेसम्म घरको ढोका नखुलेपछि स्थानीयवासीले घरको छतमा चढेर हेर्दा उनीहरूको हत्या भएको थाहा पाएका थिए ।

    घटनापछि स्थानीयवासीले घटनाको सत्यतथ्य छानविन गर्न माग गर्र्दै हनुमाननगर बजार बन्द गराएका छन् । सप्तरीका प्रहरी उपरीक्षक दिनेश अमात्यले घटनाबारे छानविन भइरहेको अनुसन्धानका लागि तालिम प्राप्त कुकुरलाई ल्याइएको जानकारी दिनुभयो ।