२० जेठ ,
यार्सागुम्बा सङ्कलनको विषयमा झडप हुँदा मङ्गलबार राति धो गाविसमा एक व्यक्तिको मृत्यु भएको छ । झडपमा परी धो गाविस–६ का २५ वर्षीय छिरिङ खुर्वा गुरुङको मृत्यु भएको हो ।

गत वर्ष स्थानीयवासीले मात्र यार्सा टिप्न पाउने व्यवस्था भएकामा अहिले बाहिरका मान्छेले पनि टिप्न पाउने व्यवस्था गर्दा झडप भएको हो । यार्सागुम्बा सङ्कलनको अनुगमन गर्न धो गाविस पुगेको सरकारी अनुगमन टोली र स्थानीयवासीबीच विवाद मिलाउन अहिले वार्ता भइरहेको बताइएको छ ।