२० जेठ ,

 कैलाली जिल्ला पूर्वी सीमा क्षेत्र चिसापानीस्थित कर्णाली नदीमा सोमबार अपराह्न नुहाउने क्रममा एक युवक नदीमा डुबेर बेपत्ता भएका छन् । बाँकेको शम्शेरगञ्ज घर भएका १८ वर्षीय डम्बर केसी नुहाउने क्रममा नदीमा डुबेर बेपत्ता भएको चिसापानी प्रहरी चौकीका प्रमुख रमेश पालले बताउनुभयो ।

उनी आफ्ना दुई तीन साथीसँगै चिसापानी क्षेत्रमा घुम्न आएका थिए । केसीको प्रहरी र स्थानीयवासीले डुङ्गा प्रयोग गरी खोजी जारी राखेका छन् । कर्णाली नदीमा केही दिनदेखि पानीको सतह र बेग बढेको पालले बताउनुभयो ।