१९ जेठ,

नरेश  जी. सी.,
 

आज प्यूठान जिल्लाको  गोठिवाङगाविसको लामाचौरमा भारतीय तीर्थयात्रु बोकेको बस दुर्घटना हुँदा १६ जनाको मृत्यु भएको छ ।  ९ जनाको घटनास्थलमा र ७ जनाको उपचारका लागि लैजाँदै गर्दा बाटोमा मृत्यु भएको हो।  स्वार्गद्वारी दर्शन गरेर कपिलबस्तुको कृष्णनगर तर्फ जाँदै गरेको बस दुर्घटनामा परेकाे हाे ।

भारतीय तीर्थयात्रु बोकेको लु१ख ३८०३ नम्बरको बस लामाचौरमा ओरालो सडकमा दुर्घटनमा परेको जिल्ला प्रहरी कार्यालय प्युठानले जनाएको छ । दुर्घटनापछि अझै बसमा एकजना च्यापिएको अवस्थामा रहेकाले मृतकहरुको संख्या बढ्न सक्ने प्रहरीले जनाएको छ ।

स्वर्गद्वारी दर्शन गरेर फर्कँदै गरेका तीर्थयात्रु बोकेको सो बस सडकबाट करिब एक सय मिटर तल मादी खोलामा झरेको जिल्ला प्रहरी कार्यालय प्युठानकाले  बताएको छ  ।