१८ जेठ ,

 इण्डियन प्रिमियर लिग (आइपिएल ) को सातौं संस्करणको फाइनलमा किंग्स इलेभेन पञ्जाबलाई हराउँदै कोलकाता नाइट राइडरले  दोस्रो पटक आइपीएलको उपाधि हात पारेको छ । आजको खेलमा कोलकाताले ३ विकेटले पञ्जाबलाई हराएको हो ।

 

आइपिएल को अन्तिम खेल निकै रोमाञ्चक भएको खेलमा जितका लागि २०० को लक्ष्य पाएको कोलकाता नाइट राइडर ले  उक्त स्कोर केवल १९.३ ओभरमा पछ्याएको थियो । कोलकाताका लागि मनिस पाण्डेले  ९४ रन बनाएका थिए भने युसुफ पठानले पनि ३६ रनको योगदान दिए । 

टस हारेर ब्याटिङमा उत्रेको पञ्जाबले ४ विकेट गुमाउँदै १ सय ९९ रन बनाएको थियो । पञ्जाबका लागि व्रिधिमन शाहले शानदार शतक प्रहार गरेका थिए । शाहले ५५ बलको सामना गर्दै १ सय १५ रन बनाए । आजको अन्तिम खेलमा बिरेन्द्र सेहवागले मात्र ७ रन बनाएर आउट भए भने मननले ५२ बलको सामना गर्दै ६७ रन बनाएका थिए । आजको खेलमा ग्लेन म्याक्सवेल  शुन्य रनमा आउट भएका थिए ।