१३ जेठ ,

पूर्व–पश्चिम राजमार्गअन्तर्गत नवलपरासीको वर्दघाटमा बस दुर्घटना हुँदा २२ यात्रु घाइते भएका छन् । घाइतेमध्ये आठको अवस्था गम्भीर रहेको इ्लाका प्रहरी कार्यालय बर्दघाटले जनाएको छ ।

धनगढीबाट काठमाडौँतर्फ जाँदै गरेको ना ३ ख २०१२ नंको बस तीब्रगतिका कारण सडकबाट तल पल्टिएको थियो । घाइतेहरूको लुम्बिनी अञ्चल अस्पताल बुटवलमा उपचार भइरहेको प्रहरी निरीक्षक बेनीमाधव पौडेलले जानकारी दिनुभयो ।

दुर्घटनामा घाइते भएका टिकापुर ९ का ८ वर्षीय पविराम सिंजालीको थप उपचारका लागि काठमाडौँ लगिएको प्रहरी निरीक्षक पौडेलले जानकारी  दिनुभयो ।