१३ जेठ ,

 सरकारले गणतन्त्र दिवसका अवसरमा यही जेठ १४, १५ र १६ गते विविध कार्यक्रमका साथ आ–आफ्नो कार्यालय एवम् घरघरमा दीपावली गरी गणतन्त्र दिवस सफल पार्न अनुरोध गरेको छ ।

गणतन्त्र दिवसका दिन सैनिक मञ्च टुँडिखेलमा आयोजना हुने विशेष समारोहमा गणतन्त्र दिवस मूल समारोह समितिका अध्यक्ष तथा सदस्यहरू, संविधानसभाका सभासद्, संवैधानिक निकायका पदाधिकारी, राजनीतिक दलका प्रमुख, पदाधिकारी एवम् कार्यकर्ता नेपाल सरकारका निजामती, प्रहरी, जङ्गी तथा संस्थानका कर्मचारी प्राध्यापकलगायतलाई सहभागी हुन अनुरोध गरिएको छ ।

साथै, उपत्यकाबाहिरका जिल्ला सदरमुकाम, उप–महानगरपालिका, नगरपालिका र गाविसलगायत स्थानीयस्तरमा गणतन्त्र दिवसका उपलक्ष्यमा अयोजना गरिने विविध कार्यक्रममा समाजका सबै वर्ग, व्यवसाय र क्षेत्रका महानुभावहरू व्यापकरूपमा सहभागी हुन र उक्त तीनै दिन साँझ दीपावली गरिदिनुहुन गणतन्त्र दिवस मूल समारोह समितिले अनुरोध गरेको छ । रासस