११ जेठ,

अहिले चलिरहेको उच्च माध्यामिक  विद्यालयको  परीक्षा दिएका दुई विद्यार्थीको उत्तरपुस्तिका हराएको छ ।  कञ्चनपुरको महेन्द्रनगरमा रहेको बैजनाथ उच्च माध्यमिक बिद्यालयमा आज कक्षा ११ को लेखा विषयको परीक्षा दिएका आर्दश उच्च माध्यमिक विद्यालयका नियमिततर्फका दुई परीक्षार्थीको उत्तरपुस्तिका हराएको हो ।

परीक्षा सकिएपछिको गणनामा दुईजना हाजिर भएका विद्यार्थीको उत्तरपुस्तिका नभेटिएको केन्द्राध्यक्ष लालमणि पाण्डेयले बताउनुभयो । उहाँले उत्तरपुस्तिका हराएका विद्यार्थीहरुले कक्षा निरीक्षकलाई उत्तरपुस्तिका नबुझाई आफैं लगेको हुनसक्ने बताउनुभयो ।   “प्रहरी मुचुल्का गरी कापी नभेटिएको जानकारी उच्च शिक्षा परिषद्लाई दिएका छौ ” उहाँले भन्नुभयो ।

उच्च माध्यमिक शिक्षा परिषद्अन्र्तगत यहाँका २५७ विद्यार्थीले कक्षा ११ को लेखा विषयको परीक्षा दिएका छन् ।