१० जेठ,  

 नवलपरासीको बर्दघाटबाट प्रहरीले ट्रकसहित ठूलो परिणाममा चरेश र गाँजा बरामद गरेको छ । जिल्ला प्रहरी कार्यालय नवलपरासीका प्रहरी प्रमुख विष्णुहरि गौतमका अनुसार १६५.५ केजी चरेश र ३० केजी गाँजा बरामद गरिएको हो । गएराति बर्दघाटमा रोकिराखेको डब्लुबी ७१ ए ८८३९ नम्बरको भारतीय ट्रकमा चेकजाँचका क्रममा उक्त परिणाममा लागुऔषध बरामद भएको हो ।

विषेश सुराकीका आधारमा ट्रकसहित उनीहरुलाई पक्राउ गरेको प्रहरी प्रमुख गौतमले बताउनुभयो ।भारतीय सीमाबाट बर्दघाटमा लागुऔषध ल्याउने र पोखरा बुटवल नारायणगढ पुर्‍याउने गरेको सुराकी पाएपछि प्रहरीले निगरानी गरेको थियो । बर्दघाट लागुऔषधको ट्रान्जिट बनेको भन्दै प्रहरीले विशेष निगरानी थालेको छ । रासस