९ जेठ ,

 सिरहा सदरमुकामस्थित गुलरीया चोकबाट बिहीवार राति प्रहरीले हतियारसहित दुई जनालाई पक्राउ गरेको छ । फुलबरिया ६ का २० वर्षीय संजयकुमार राय र भारतको मधुबनी जिल्ला जयनगर बेतौनाका २१ वर्षीय सुरेन्द्र कुमार पूर्वेलाई १ थान कटुवा पेस्तोल र १ थान डायगरसहित राती ८:३० वजे पक्राउ गरेको प्रहरी उपरीक्षक पूर्णचन्द्र जोशीले बताए ।

सिरहाबाट चोहर्बातर्फ बिआर३२ई ३९२७ नम्बरको भारतीय मोटरसाइकलमा जाँदै गरेको अबस्थामा गस्तीमा खटिएको प्रहरीले उनीहरुलाई पक्राउ गरेको हो ।

प्रहरी उपरीक्षक जोशीका अनुसार पेस्तौल र डायगर दुबै नयाँ भएकोले उनीहरु भारतबाट हतियार लिएर नेपालमा बिक्री गर्न ल्याएको प्रारम्भिक अनुसन्धानबाट देखिएको छ ।