१५ असोज ,

सुर्खेतमा भएको राष्ट्रिय लोक तथा दोहोरी गीत प्रतिष्ठान नेपालको ५ औं केन्द्रिय महाधिवेशनबाट अध्यक्षमा दाङ जिल्लाका चन्द्र शर्मा निर्वाचित हुनुभएको छ  । उनले निकटतम प्रतिद्वन्द्वी विष्णु खत्रीलाई ७ सय ९१ मतले पछि पार्दै विजयी भएका हुन् । विष्णुले ४ सय ११ मत पाएका थिए ।

 शर्माले संगठनमा तल्लो तहदेखि काम गर्दै आएको र भोलिका दिनमा पनि अझ संगठनलाई बलियो बनाएर अघि बढ्ने बताउनु भएको  छ । त्यस्तै संगठनको वरिष्ठ उपाध्याक्षमा बद्रि  पंगेनी, प्रथम उपाध्यक्षमा टीकाराम चपाई र द्वितिय उपाध्याक्षमा विमलराज क्षेत्री निर्वाचित भएका छन् । महासचिवमा रमेश विजी, सचिवमा पशुपति शर्मा र शिरिष देवकोटा विजयी भए । कोषाध्यक्षमा रीता थापा र सहकोषाध्यक्षमा दीपक खड्का विजयी भएको निर्वाचन समितिका सदस्य डिल्लिनारायण पाण्डेले बताए । त्यस्तै महिला तर्फ केन्द्रीय सदस्यमा टीका पुन, राधिका हमाल, जमुना राना र रमिला न्यौपाने विजयी भए ।

त्यस्तै खुल्ला तर्फको ११ जना कन्द्रीय सदस्यमा रामजि खाँण, शंकर विसी, कुलेन्द्र विश्वकर्मा, पुष्कल शर्मा, खुमन अधिकारी, राजु गुरुङ विजयी भए । त्यस्तै तारापति सुवेदी, चोलेन्द्र पौडेल, सुवास केसी, हुम गैरे, हरी थापा मगर विजयी भए । सोमबार भएको निर्वाचनमा १ हजार २ सय ५६ मत खसेको थियो । राति नै सुरु भएको मत गणना आज बिहान मात्र सार्वजनिक भएको हो ।