१५ असोज ,

नायक संजय दत्त अहिले  जेलको सजाय काटिरहेका छन् । उनलाई महाराष्ट्रको यरवडा जेलमा राखिएको छ भने  जेलमा रहेका संजयले प्रशासनसँग आफ्नो स्वास्थ्य अवस्था खराब भएको बताउँदै आएका थिए । उनको पैतालामा समस्या भएको बताइएको  छ । संजयको मागमा सुनुवाई गर्दै उनलाई १४ दिनको जमानत दिइएको छ । संजय १४ दिनको जमानत पाउने वित्तिकै सबैभन्दा पहिले आफ्नो घरमा पुगेका छन् ।

संजय आफ्नो समय घरपरिवारसँग समय बिताउन चाहन्छन् । उनलाई आफू बसेको राज्य र देशबाट बाहिर जान भने रोक लगाइएको जनाईएको छ  । उनीले  अब आफ्नो उपचार सुरु गर्दैछन् । उनी अस्पतालमा भर्ना नभएको खण्डमा दैनिक प्रहरी समक्ष भने पुग्नु पर्ने हुन्छ ।  संजयकी पत्नी मान्यताले उनको लागि विशेष खानेकुराहरुको व्यवस्था गरेकी छिन् । संजय दत्तलाई साढे ३ बर्षको जेल सजाय सुनाइएको थियो ।- एजेन्सी