२७ जेठ,

 जिल्ला प्रहरी कार्यालय बाराले गएराति बलिरामपुर गाउँबाट बालकसहित दुई अपहरणकारीलाई पक्राउ गरको छ ।

भारत शिवहरताजपुर घर भई हाल सूर्यविनायकस्थित न्यू मुस्कान सप्लायर्स व्यवसाय चलाई बस्ने राकेश चौधरीको अढाइ वर्षीय छोरा विटु चौधरीलाई साथमा लिएर त्यही फर्ममा काम गर्ने राजु यादव यही जेठ १४ गते बालकसहित गायब भएको र चार दिनपछि यादवले रु एक करोड ५० लाख फिरौती माग गरेको थियो ।

प्रहरीले बारा सुनौली–२ का अमरदेव ठाकुरलाई दुई दिन अघि नै पक्राउ गरी अनुसन्धान गर्दा दिनेश सिंहलाई फिरौती रकम लिन आउन र बालकलाई साथमा ल्याउन भनेपछि सिंह बालकसहित फिरौती रकम लिन हिजो बलिरामपुर आएका थिए ।

    बालकलाई अभिभावकको जिम्मा लगाइसकिएको छ ।