१८ जेठ,

 प्रहरीले काभ्रे जिल्ला तिमाल स्थायी घर भई हाल ढल्कु बस्ने २३ वर्षीया पुजना श्रेष्ठलाई लागुऔषधसहित आज स्वयम्भूबाट पक्राउ गरेको छ । महानगरीय प्रहरी वृत्त स्वयम्भूबाट खटिएको टोलीले लागुऔषध श्रेष्ठबाट नुर्फिन ३७ थान, डाइजोपाम ३७ थान, फेनारगन ३७, प्रयोग गरेको सिरिन्ज ३ वटा, प्रयोग नगरेको सिरिन्ज १४ वटा बरामद गरेको छ ।

यसैबीच, काठमाडौँ महानगरपालिका–७ स्थित सहुलियत गेष्ट हाउस तल रहेको पार्वती कटुवालले सञ्चालन गरेको खाजा घरको कोठामा लुकिछिपी जुवातास खेलिरहेका ६ जनालाई प्रहरीले पक्राउ गरेको छ ।

पक्राउ पर्नेहरुमा कङ्लकी बस्ने ओखलढुङ्गा जिल्ला घर भएका ४८ वर्षीय वीरबहादुर तामाङ, बौद्ध नारायणटार बस्ने ३३ वर्षीय सर्वधन तामाङ, चाबहिल बस्ने २४ वर्षीय सन्तोष खड्का, ३९ वर्षीय गणेशबहादुर खत्री, सिन्धुली घर भई हाल काठमाडौँ महानगरपालिका–७ बस्ने ४३ वर्षीय केशरबहादुर राउत र सोलु घर भई चाबहिल बस्ने ५० वर्षीय पेम्बा लामा रहेका छन् ।

प्रहरीले उनीहरुबाट नगद रु ९१ हजार १४५ र ३ थान तास बरामद गरेको छ ।रासस