१७ जेठ,

कैलालीको श्रीपुर गाविस–३ लालपुर गाउँका गणेश साउदको घरमा गए राति परेको चट्याङबाट उहाँका १४ वर्षीय छोरा दीपकको मृत्यु भएको छ । जिल्ला प्रहरी कार्यालयका अनुसार हावाहुरी र वर्षासँगै परेको चट्याङबाट लालपुर गाउँ र मसुरिया गाविस क्षेत्रमा समेत गरी झन्डै १६ जना घाइते भएका छन् । चट्याङ लागेर केही परिवारका गाई वस्तुसमेत मरेको जनाइएको छ ।

चट्याङका कारण विद्युत् लाइन सर्ट हुँदा लालपुर गाउँका १४ घरमा क्षति पुगेको छ । चट्याङ लागेर घाइते भएकी मसुरियाकी गोमा विष्टको अवस्था गम्भीर  छ ।  घाइतेको पद्मा अस्पताल अत्तरिया र सेती अञ्चल अस्पताल धनगढीमा उपचार भइरहेको छ । घाइते अन्य व्यक्तिको अवस्था खतरामुक्त रहेको छ ।  रासस