८ जेठ ,

बोक्सीको आरोपमा  रौतहटमा एक महिलामाथि निर्घात कुटपिट गरिएको छ । रौतहटको पथराबुधराम गाविस वडा नम्बर ५ की ४० वर्षीया रेणुदेवी जयसवालले बालिकालाई बोक्सी मन्त्रले बिरामी पारेको भन्दै परिवारले उनलाई निर्घात कुटपिट गरेका हुन् ।

कुटपिटबाट घाइते भएकी जयसवालको दुई दिनदेखि गौर अस्पतालमा उपचार भैरहेको छ । गाउँकै हरेन्द्र रायको १० वर्षीया छोरीलाई बोक्सी मन्त्रले बिरामी पारेको भन्दै उनीसहित उनका नातेदारले शारीरिक तथा मानसिक यातना दिएका हुन् ।

पीडित महिलाका श्रीमान् हरिकृष्ण जैयसवाल वैदेशिक रोजगारीको सिलसिलामा खाडी मुलुक र छोरा अध्ययनको शिलशिलामा गौरमा रहेको बेला हरेन्द्र रायसहित उनकी श्रीमती र आफन्तले आक्रमण गरेका हुन् ।