१८ असोज 

 एएफसी यु–१९ फुटबल च्याम्पियनसिप अन्तर्गग समूह चरणका छनोट खेलहरु आजबाट कतारको दोहामा सुरु हुँदैछ । प्रतियोगिताको पहिलो खेलमा नेपालले आज तुर्कमेनिस्तानको सामना गर्नेछ । प्रतियोगिता पूर्व दोहामा आयोजित पत्रकार सम्मेलनमा नेपाली टोलीका प्रशिक्षक राजुकाजी शाक्यले यसपटक नेपाली टोली निकै सन्तुलित रहेकोले फाइनल चरणमा पुग्ने लक्ष्य लिएको बताएका छन् । 

प्रतियोगिताको समूह ‘ए’मा रहेको नेपालले आयोजक कतारसँगै उज्वेकिस्तान, भारत, र तुर्कमेनिस्तानसँग प्रतिष्पर्धा गर्नेछ । 

प्रतियोगितामा एसियाका ४० देशले ९ समूहमा रहेर प्रतिस्पर्धा गदै छन् । जसबाट हरेक समूहका विजेता फाइनल चरणमा प्रवेश गर्नेछन् भने उत्कृष्ट ६ उपविजेताले पनि अन्तिम चरणमा स्थान बनाउने छन् । 

युथ १९ उमेर समूहमा नेपाली टोली एकपटक फाइनल चरणसम्म प्रवेश गरेको छ भने बाँकी संस्करणमा नेपालो यात्रा समूह चरणमै सीमित भएको छ ।  सन् २००३ मा बंगलादेशमा भएको छनोट चरण पार गर्दै नेपालले मलेसियामा सम्पन्न फाइनल चरणमा सहभागिता जनाएको थियो ।