१५  असोज,

सुनको भाउमा भएको उतारचढावका कारण सुनको कारोबारमा मन्दी छाएको थियो । भाउमा अस्थिरता छाएपछि  यो हप्ता लागेपछि दैनिक २० किलोसम्म कारोबार हुन थालेको नेपाल सुनचाँदी व्यवसयी महासंघले बताएको छ ।

दशैं लागेकाले र अहिले भाउ केहि घटेकाले सुनको अर्डर दिने बढेका उहाँको भनाइ छ । यस्तै मंगलबार सुन चाँदीको भाउ घटेको छ । हिजोको तुलनामा सुन तोलामा ५ सय रुपैयाँले घटेको हो । मंगलबार तोलामा सुन ५५ हजार रुपैयाँमा कारोबार भइरहेको नेपाल सुनचाँदी व्यवसयी महासंघले जनाएको छ ।

चाँदी भने तोलामा ५ रुपैयाँले घटेको छ । सोमबार तोलामा ९ सय २५ रुपैयाँमा किनबेच भएको चाँदीको भाउ आज ९ सय २० रुपैयाँ कायम भएको छ ।