१४ असोज ,

 तुलसीपुर स्थित भ्यालीस्टार इङ्लिश बोर्डिङ स्कूलले एक  विज्ञप्ति जारी गरी कक्षा ९ मा अध्ययनरत छात्र जेनिस आचार्यको मृत्यु रहस्यमय  घटना  भएको भन्दै उक्त घटनाको सत्यतथ्य छानबिन गर्न सम्बन्धित निकाय संग  माग गरेको छ । 

गत भदौ २४ गते लमहीस्थित आफ्नो मामा घर गएका आचार्य केही समय हराएका र त्यसपछि भदौ २६ गते लमहीको अर्जुनखोला स्थित पुलको उत्तरतर्फ मृत अवस्थामा फेला पर्नुको रहस्यमय भएकाले घटनाको सत्यतथ्य छानबिन हुनुपर्ने विज्ञप्तिमा उल्लेख गरिएको  छ ।

 विज्ञप्तिमा घटना अत्यन्त रहस्यमय भएको उल्लेख गर्दै सत्यतथ्य छानबिनका लागि सहयोग गर्न नागरिक समाज, मानवअधिकारकर्मी, बालअधिकारकर्मी, पत्रकार, प्रहरी प्रशासनलगायत सम्पूर्ण संघसंस्थाहरुलाई अनुरोध समेत गरिएको छ ।