२६ जेठ,

जङ्गली हात्तीको आक्रमणबाट आज बिहान झापाको बाहुनडाँगीमा एक महिलाको मृत्यु भएको छ बाहुनडाँगी–३ की ६५ वर्षीय लक्ष्मी रम्तेललाई हात्तीले कुल्चेर मारेको इलाका प्रहरी कार्यालय काँकडभिट्टाले जनाएको छ ।
नजिकै रहेको जङ्गलमा हात्ती मरेको छ भन्ने हल्ला सुनेपछि जङ्गल जाने क्रममा बाटैमा उनलाई हात्तीले कुल्चेर मारेको थियो । उनको घटनास्थलमै मृत्यु भएको प्रहरीले जनाएको छ ।

आजै उनको शवलाई पोस्टमार्टमका लागि मेची अञ्चल अस्पताल लगिएको छ । हात्ती मरेको हल्ला भने निराधार भएको प्रहरीले जनाएको छ ।