२३ जेठ ,

प्रहरीले एक ट्रक जडीबुटीसहित दुईजनालाई पक्राउ गरेको छ ।  विशेष सूचनाका आधारमा इलाका प्रहरी कार्यालय कुसुमले कोहलपुर–४ का सुकदेव परियार र जडीबुटी व्यापारी जुम्ला कुडारी–१ का विर्र्ख थापालाई ट्रकसहित नियन्त्रणमा लिइएको हो ।

जिल्ला प्रशासन कार्यालय, जिल्ला वन कार्यालय, नेपालगन्ज उद्योग वाणिज्य सङ्घ, वनस्पति कार्यालय, नेपाल जडीबुटी व्यवसायी सङ्घ र स्थानीय प्रतिनिधिको रोवहरमा खानतलासी लिँदा उक्त ट्रकमा छुटपुर्जीबाहेकको १८६ बोरा धुपीपात नामक जडीबुडी फेला परेको प्रहरीले जनाएको छ ।

जुम्लाबाट काठमाडौँ जाँदै गरेको ना२ख ९७७० नम्बरको ट्रकमा राखिएको अवैध जडीबुटी प्रहरीले पूर्वपश्चिम महेन्द्र राजमार्गअन्तर्गत बाँकेको कुसुमबाट बिहीबार साँझ पक्राउ गरेको हो ।