२३ जेठ,

एक निजी बलेरो जिपले सडकमा हिँडिरहेका सर्वसाधारणलाई ठक्कर दिँदा एकजनाको मृत्यु भएको छ । चारजना गम्भीर घाइते भएका छन् ।

मृत्यु हुनेमा चुत्राबेसी–७ की ३५ वर्षीया शिवकला खत्री रहेकी प्रहरीले जनाएको छ । सन्धिखर्क मसालबजारबाट आउँदै गरेको बा११च ४२०६ नम्बरको निजी जिपले भक्तिटोलमा सडकमा हिँडिरहेकी खत्री, खिल्जी–८ का २३ वर्षीया मीना बजान्डे, चुत्राबेसी–७ का ६ वर्षीय रोचक रायमाझी, खनदह–४ की २२ वर्षीया कविता चौहान र उनकी छोरी चार वर्षीया एलिसा चौहानलाई ठक्कर दिई घाइते बनाएको हो ।

घाइतेमध्ये खत्रीको जिल्ला अपस्ताल अर्घाखा“चीमा उपचारको क्रममा मृत्यु  भएको प्रहरी निरीक्षक गोबिन्द पन्थीले जानकारी दिनुभयो । घाइते अन्य सबैलाई थप उपचारको लागि बुटवल सिफारिस गरिएको र चालकलाई नियन्त्रण लिई अनुसन्धान भइरहेको जिल्ला प्रहरी कार्यालयले  जनाएको छ ।