१७ जेठ,

 इलामको चिसापानी–५ बस्ने १८ वर्षीय जङ्गे भनिने बुद्धकुमार सेञ्चुरीलाई प्रहरीले बलात्कारको आरोपमा पक्राउ गरेको छ । सोही स्थानकी एक बालिकालाई एक साताअघि जबर्जस्ती बलात्कार गरी फरार रहेका सेञ्चुरीलाई शुक्रबार प्रहरीले पक्राउ गरेको हो । जिल्ला प्रहरी कार्यालयबाट खटिएको विशेष टोलीले आरोपितलाई पक्राउ गरी आवश्यक अनुसन्धान सुरू गरिएको प्रहरी निरीक्षक कवीन्द्रकुमार कार्कीले बताउनुभयो ।
   
यसैबीच पशुपतिनगर–९ का भीमबहादुर तामाङको गोठमा रहेका लैना गाई र बाच्छी मारेको आरोपमा पक्राउ परेका सोही स्थानका ताराबहादुर राईलाई जिल्ला अदालत इलामले पुर्पक्षका लागि थुनामा राख्ने आदेश दिएको छ ।

राईले गत जेठ १ गते राति गोठमा बाँधेका गाई र बाच्छीलाई मारेको भन्दै तामाङले जिल्ला प्रहरी कार्यालयमा जाहेरी दिएका थिए ।