१६ जेठ ,

उमेश  घिमिरे , इटहरी

सुनसरीमा आज भएको एक सवारी दुर्घटनामा एक बालिकाको मृत्यु भएको छ भने अर्की एक बालिका गम्भीर घाइते भएकी छिन् । इटहरीको मुख्य चोक नजिकै हिडिरहेका इटहरी–७ की १३ वर्षीया अस्मिता श्रेष्ठ र १२ वर्षीया निशा श्रेष्ठलाई ना ४ ख ३८१५ नम्बरको ट्रिपरले ठक्कर दिएको थियो ।

दुर्घटनामा गम्भीर घाइते दुवैको धरानस्थित विपी कोइराला स्वास्थ्य विज्ञान प्रतिष्ठानमा उपचार गर्ने क्रममा निशाको मृत्यु भएको इलाका प्रहरी कार्यालय इटहरीले जनाएको छ । गम्भीर घाइते अस्मिताको भने प्रतिष्ठानमै उपचार भइरहेको प्रहरीले बताएको छ ।

बालिकालाई ठक्कर दिने ट्रिपर र त्यसका चालकलाई नियन्त्रणमा लिइएको इलाका प्रहरीले जनाएको छ ।