१० जेठ ,

 भारतको पश्चिम बंगालकी मुख्यमन्त्री ममता बेनर्जी शनिबार बिहान काठमाडौं आउँदै छिन् । निजी भ्रमणका लागि बनर्जीसहितको टोली नेपाल आउन लागेको हो । 

चार्टर उडान अनुमति दिने क्रममा त्रिभुवन अन्तर्राष्ट्रिय विमानस्थलका अधिकृतहरूले बेनर्जी आउने जानकारी पाएका हुन् ।

 बुधबार कन्चनजंघा हिमशिखर आरोहण गर्ने क्रममा जीवन गुमाएकामध्येका छन्दा गएन नामक भारतीय पर्यटकको अन्तिम संस्कारमा सहभागी हुन बेनर्जी आउने भएकी हुन् । 

पश्चिम बंगाल निवासी छन्दासहित तीनजनाको हिमपहिरोमा मृत्यु भएको थियो ।